ಶಿಕ್ಷಣಕ್ಕೆ ಕೊರೊನಾ ಕೊಕ್ಕೆ

 ಸಾಂಕ್ರಾಮಿಕ ರೋಗ ಕೊರೊನಾ 2020 ಸಂಪೂರ್ಣ ಶೈಕ್ಷಣಿಕ ವರ್ಷವನ್ನು ನುಂಗಿಹಾಕಿದೆ. ಕರ್ನಾಟಕದಲ್ಲಿ ರೋಗದ ಇಳಿಮುಖ ಕಂಡರು, ಎರಡನೆ ಅಲೆಯ ಕಾರಣ ರಾಜ್ಯದ ಜನತೆ ಮತ್ತು ಕರ್ನಾಟಕ ಸರ್ಕಾರ ಈ ಸಾಲಿನ ಶೈಕ್ಷಣಿಕ ವರ್ಷದ ಶಾಲೆ ಪ್ರಾರಂಭಿಸಲು ಹಿಂದೆಟು ಹಾಕುತ್ತಿದೆ. ನವೆಂಬರ್ 17 ವಾರ್ಷಿಕೋತ್ಸವ ಆಚರಿಸಿಕೊಂಡ NOVEL CORONA -19 ತನ್ನ ರೌದ್ರತೆಯನ್ನು ಹಾಗೆಯೆ ಮುಂದುವರೆಸಿಕೊಂಡು ಹೋಗುತ್ತಿದೆ.

     ಡಿಸೆಂಬರ ಅಂತ್ಯದವರೆಗು 1 ರಿಂದ 12 ನೇ ತರಗತಿಯ ಶಾಲೆ/ಕಾಲೇಜುಗಳನ್ನು ತೆರೆಯುವುದಿಲ್ಲ ಎಂದು ಘೋಷಣೆ ಮಾಡಿದೆ. ಮಾನ್ಯ ಶಿಕ್ಷಣ ಸಚಿವರ ಕೂಸು ' ವಿದ್ಯಾಗಮ ' ಕೂಡ ಆರಂಭಿಸುವ ಲಕ್ಷಣಗಳಿಲ್ಲ. ಶಾಲೆ ಆರಂಭಿಸುವವರೆಗೂ  ಆನ್ ಲೈನ್ ಮೂಲಕವೇ ಶಿಕ್ಷಣ ನಡೆಯಲಿದೆ. ಸರ್ಕಾರವು ಮಕ್ಕಳಿಗಾಗಿ ಚಂದನವಾಹಿನಿ ಮೂಲಕ ಪ್ರಾಥಮಿಕ ಮತ್ತು ಪ್ರೌಢ ಶಾಲೆಗಳ ಮಕ್ಕಳಿಗೆ 23/11/2020 ರಿಂದ ಪಾಠಗಳನ್ನು ಪ್ರಾರಂಭ ಮಾಡಿದೆ. ವೇಳಾಪಟ್ಟಿಯನ್ನು ಈಗಾಗಲೆ ಪ್ರಕಟಿಸಿದೆ.

 ಮಕ್ಕಳ ಕಲಿಕೆಯು ಈ ವರ್ಷ ICT ಯ ಮೂಲಕವೇ ಮುಗಿದು ಹೋಗುತ್ತದೆಯೊ ಎಂಬ ಭಯ ಕಾಡುತ್ತಿದೆ. ಏಕೆಂದರೆ ನೈಜ ಅನುಭವವೇ ಜ್ಞಾನ ಕಟ್ಟಿ ಕೊಳ್ಳಲು ಸಹಾಯ ಮಾಡುತ್ತದೆ. ICTಯು ಪಡೆದುಕೊಂಡ ಜ್ಞಾನದ ವಿಸ್ತರಣೆಗೆ ಸಹಾಯ ಮಾಡುತ್ತದೆ ಮತ್ತು ಜ್ಞಾನವನ್ನು ಗಟ್ಟಿಗೊಳಿಸುತ್ತದೆ. 

ಆದ್ದರಿಂದ ಆದಷ್ಟು ಬೇಗ ಕೊರೊನಾ ಹೋಗಲಿ, ಶಾಲೆಗಳು ಪ್ರಾರಂಭವಾಗಲಿ.